Doob Kar Jis Ne Mohabbat Men Adakari Ki - Urdu Poetry

Doob Kar Jis Ne Mohabbat Men Adakari Ki

Dil-e-Saada Ne Bohat Uski Tarafdari Ki

Jaib Men Le K Umeedon K Khanakty Sikkay

Hum Ne Khwabon K Jazeeron Men Kharidari Ki

Maatmi Rang Ka libaas Pehn K Dil Ne

Raat Ujrey Huay Khwabon Ki Azadari Ki

Theek Hai Dil Ko Lgaya Tha Kabi Bhoolay Sy

Iski Qeemat B Ada Hum Ne Bohat Bhaari Ki

Dil K Sehra Men Ugaaye Hain Muhabat K Gulaab

Mosam-e-Ishq Men Hum Ne B Shajar Kaari Ki